ഇന്ന് ലോക ഭൗമ ദിനം
ഭൂമിയുടെ മുഖത്തിനു നേര്ക്കു ഒരു മാസ്ക്. സോഷ്യൽ മീഡിയയിൽ ഈ കൊറോണ കാലത്തു വൈറലായ ചിത്രമായിരുന്നു അത് . കൊറോണ കാലത്തു മനുഷ്യൻ പകച്ച് , എന്ത് ചെയ്യണം എന്നറിയാതെ നിന്നപ്പോൾ അത്രയും കുറഞ്ഞ ദിവസങ്ങൾ മതിയായിരുന്നു ഭൂമിക്കു നേരെയൊന്നു ശ്വാസം വിടാൻ …സ്റ്റേ അറ്റ് ഹോമിൽ മനുഷ്യർ അടച്ചിരുന്നപ്പോൾ ഭൂമി ലോക്കുകൾ ഓപ്പൺ ആക്കുകയായിരുന്നു . …
ജലന്ധര് ഭാഗത്തുനിന്നുള്ള നിരവധി പേര് ട്വീറ്റ് ചെയ്ത ആ ചിത്രങ്ങളില് ഒന്നായിരുന്നു ഹിമാലയന് മേഖലയിലുള്ള ധൗലധര് മല നിരകൾ . പഞ്ചാബിലെ ജലന്ധറില്നിന്നാണ് ആ ചിത്രങ്ങള്
200 കിലോ മീറ്റര് അകലെയുള്ള ഹിമാചലിലെ ധൗലധര് മലനിരകള് പത്തു മുപ്പതു വര്ഷം മുമ്പുവരെ ജലന്ധറില്നിന്നും നോക്കിയാല് കാണാമായിരുന്നു. ആ മനോഹര കാഴ്ചകൾ വീണ്ടും തെളിഞ്ഞത് ഈ കൊറോണ കാലത്താണ് .
ഗംഗ നദി തെളിനീരോടെ ഒഴുകി തുടങ്ങി. ഗംഗയില് 40 മുതല് 50 ശതമാനം വരെ ജലശുദ്ധീകരണം നടന്നതായി ഐ.ഐ.ടി.ബി.എച്ച്.യു കെമിക്കല് എന്ജിനീയറിങ് പ്രൊഫസർ വെളിപ്പടുത്തുന്നു .
കേരളത്തിൽ കൊച്ചി കായലും കണ്ടു തെളിനീരിന്റെ ഉറവകൾ . വേമ്പനാടിന്റെ കൈവഴികളും പുതുജീവൻ കിട്ടിയ ജലാശങ്ങളായി .
വായുമലിനീകരണത്തിന്റെ തോത് വലിയ രീതിയിൽ കുറഞ്ഞിരിക്കുന്നു .
ഈ വർഷത്തെ ഭൗമ ദിനത്തിലെ തീം : climate Action . ഇനിയുള്ള കാലവും ഭൂമിയെ സംരക്ഷിച്ചു കാലാവസ്ഥ വ്യതിയാനങ്ങളെ മനസിലാക്കി ജീവിക്കാം