ഖത്തറിലെ ശൈത്യകാലം ,രാജ്യം മുഴുവൻ അതിമനോഹരമായ മാറുന്ന സമയം. കുടുംബങ്ങൾക്കും കുട്ടികൾക്കും അൽ ബിദ്ദ പാർക്കിലോ ആസ്പയർ പാർക്കിലോ ഒത്തുചേരാനും ബാർബിക്യൂ ആസ്വദിക്കാനുമുള്ള ഏറ്റവും നല്ല സീസണാണിത്. ഓൾഡ് ദോഹ പോർട്ടിലെ വർണ്ണാഭമായ കെട്ടിടങ്ങൾ കാണാനും അവിടെ നടക്കുന്ന കൈറ്റ് ഫെസ്റ്റിവലിൽ ആകാശം നിറയെ പറക്കുന്ന ഭീമാകാരമായ പട്ടങ്ങൾ ആസ്വദിക്കാനും നിങ്ങൾക്ക് പോകാം. സാഹസികത ഇഷ്ടപ്പെടുന്നവർക്കായി ലുസൈലിലെ വിന്റർ വണ്ടർലാൻഡിൽ അമ്പതിലധികം റൈഡുകളും വിനോദങ്ങളുമുണ്ട്. ഇനി ഭക്ഷണപ്രിയരാണെങ്കിൽ, സ്റ്റേഡിയം 974-ൽ നടക്കുന്ന ഖത്തർ ഇന്റർനാഷണൽ ഫുഡ് ഫെസ്റ്റിവലിൽ ലോകമെമ്പാടുമുള്ള രുചികളും വെടിക്കെട്ടും ആസ്വദിക്കാവുന്നതാണ്.
ബാച്ചിലർമാർക്കും സുഹൃത്തുക്കൾക്കും ഈ തണുപ്പുകാലം മരുഭൂമിയിലെ സാഹസികതയ്ക്കുള്ള അവസരമാണ്. സീലൈനിൽ പോയി മണൽക്കുന്നുകളിലൂടെയുള്ള ‘ഡ്യൂൺ ബാഷിംഗ്’ ആസ്വദിച്ച ശേഷം, നക്ഷത്രങ്ങൾ നിറഞ്ഞ ആകാശത്തിന് താഴെ ക്യാമ്പ് ഫയർ ഒരുക്കി ചൂടുള്ള കരാക് ചായയും ഭക്ഷണവും കഴിച്ച് സമയം ചെലവഴിക്കാം. കായികപ്രേമികൾക്ക് ആസ്പയർ പാർക്കിൽ നടക്കുന്ന ‘ഖത്തർ സ്ട്രോങ്ങസ്റ്റ് മാൻ’ മത്സരം കാണാനോ സാധിക്കും.
പുറത്തുപോകാൻ കഴിയാത്തവർക്ക് വീട്ടിലിരുന്നും ഈ തണുപ്പുകാലം ആഘോഷിക്കാം. സ്വീകരണമുറിയിൽ മൃദുവായ ബ്ലാങ്കറ്റുകൾ പുതച്ച് ഇരുന്നു കൊണ്ടോ, ചൂടുള്ള അറബിക് കോഫിയോ കരാക് ചായയോ കുടിച്ചുകൊണ്ടോ ബോർഡ് ഗെയിമുകൾ കളിച്ച് കുടുംബത്തോടൊപ്പം സമയം ചെലവഴിക്കാം. നിങ്ങളുടെ വീടിന് ഒരു പൂന്തോട്ടമോ ബാൽക്കണിയോ ഉണ്ടെങ്കിൽ അവിടെ പൂച്ചെടികൾ നട്ടുപിടിപ്പിക്കാനോ ചെറിയൊരു ബാർബിക്യൂ പാർട്ടി നടത്താനോ ഈ കാലാവസ്ഥ ഏറെ അനുയോജ്യമാണ്.