SAMVRUTHA BACK TO BIG SCREEN
SATHYAM PARANJA VISWASIKKUVO VIDEO SONG
ചേലുള്ള പാട്ടിൽ സംവൃതയുടെ തിരിച്ചു വരവ്
നല്ല നാടൻ വരികൾ
കേൾക്കാൻ ഇമ്പമുള്ള ഈണം
കാണാൻ നാട്ടിൻപുറത്തെ അഴകുള്ള കാഴ്ചകൾ …
ഇതെല്ലാം ചേരുന്നതാണ് ‘സത്യം പറഞ്ഞാ വിശ്വസിക്കുവോ’-യിലെ പുതിയ പാട്ട് . ഒരു കല്യാണത്തലേന്നിലെ കാഴ്ചകളാണ് പാട്ടിന്റെ ആദ്യ ഭാഗങ്ങളിൽ നിറയുന്നത്.മലയാളികളുടെ ഇഷ്ട അഭിനേത്രി സംവൃത സുനില്‍ ഒരിടവേളയ്ക്ക് ശേഷം സ്‌ക്രീനിലേക്ക് തിരിച്ചെത്തുന്ന ചിത്രമാണ് ‘സത്യം പറഞ്ഞാ വിശ്വസിക്കുവോ‘. ചിത്രത്തിലെ ‘അംബരം പൂത്തപോലെ’ എന്നാരംഭിക്കുന്ന ഗാനമാണ് പുറത്തിറങ്ങിയിരിക്കുന്നത് .ബിജു മേനോൻ ആണ് നായകവേഷത്തിൽ . സുജേഷ് ഹരിയുടെ വരികള്‍ക്ക് സംഗീതം പകര്‍ന്നിരിക്കുന്നത് വിശ്വജിത്ത്. കെ എസ് ഹരി ശങ്കറാണ് പാടിയിരിക്കുന്നത്. പാട്ടിനു യൂട്യൂബിൽ നല്ല കയ്യടികൾ തന്നെയാണ് ലഭിക്കുന്നത് . ലാളിത്യമുള്ള വരികളും പാട്ടും സൈബർ ലോകം ഏറ്റെടുത്തു .സംവിധാനം ജി .പ്രജിത് . ചിത്രം 12ന് തീയേറ്ററുകളിലെത്തും.
