ഖത്തറിന് ചരിത്രപ്രാധാന്യദിനമായിരുന്നു 2021 ഒക്ടോബർ 2. ജനാധിപത്യ രീതിയിൽ ആദ്യ തിരഞ്ഞെടുപ്പ് നടന്ന ദിവസം. രാജ്യത്ത് ഇതാദ്യമായാണ് ശൂറാ കൗണ്‍സിലിലേക്ക് ജനാധിപത്യ രീതിയിലുള്ള വോട്ടെടുപ്പ് നടക്കുന്നത്.
ശൂറാ കൗണ്‍സിലിലെ 30 മണ്ഡലങ്ങളിലേക്കുള്ള വോട്ടെടുപ്പ് നടന്നു . പോളിങ് സ്റ്റേഷനുകളില്‍ ലഘുഭക്ഷണവും ഇരിപ്പിടസൗകര്യവും ഉള്‍പ്പടെ എല്ലാ ക്രമീകരണങ്ങളും ഏര്‍പ്പെടുത്തിയിരുന്നു. സ്ത്രീകള്‍ക്കും പുരുഷന്‍മാര്‍ക്കുമായി പ്രത്യേകം ബൂത്തുകള്‍ സജ്ജീകരിച്ചിരുന്നു . റജിസ്ട്രേഷനും പരിശോധനാനടപടികളും പൂര്‍ത്തീകരിച്ചശേഷമാണ് വോട്ടര്‍മാരെ കൗണ്ടറിലേക്ക് പ്രവേശിപ്പിച്ചത് .ആകെ 45 സീറ്റുകളില്‍ 30 സീറ്റുകളിലേക്കാണ് തെരഞ്ഞെടുപ്പ്. അവശേഷിക്കുന്ന 15 കൗണ്‍സില്‍ അംഗങ്ങളെ ഖത്തർ അമീര്‍ നിയമിക്കും.
