IAAF WORLD ATHLETIC CHAMPIONSHIP DAY 10
ലോക അത്ലറ്റിക് ചാമ്പ്യൻഷിപ്പിന് ഇന്ന് കൊടിയിറങ്ങും
ലോകത്തിനു മുന്നിൽ ഒരിക്കൽ കൂടി ഖത്തർ എന്ന രാജ്യത്തിന്റെ കരുത്ത് വിളിച്ചോതി ഇന്ന് ലോക അത്ലറ്റിക് ചാമ്പ്യൻഷിപ്പിന് സമാപനം . ഖലീഫ സ്റ്റേഡിയവും , ദോഹ കോർണിഷും എല്ലാം കഴിഞ്ഞ 10 നാളുകളിൽ കായിക ആവേശത്തിനായിരുന്നു സാക്ഷ്യം വഹിച്ചത് . 400 മീറ്റർ ഹർഡിൽസിൽ അബ്ദുൽ റഹ്മാൻ സാംബ ആയിരുന്നു ഖത്തറിനു ആദ്യ മെഡൽ മധുരം നേടികൊടുത്തത് . പിന്നാലെ മുതാസ് ബർഷിമിലൂടെ ആദ്യ സുവർണ നേട്ടം ചാടിയെടുത്തു ഖത്തർ . ഹൈ ജമ്പിലായിരുന്നു ആ ചരിത്ര നേട്ടം . ഖത്തരീ വനിതകളും ഗ്രൗണ്ടിൽ സാന്നിധ്യം അറിയിച്ചു .
മികച്ച സംഘാടന മികവിന് വിദേശ മാധ്യമങ്ങൾ ഖത്തറിനെ പ്രശംസിച്ചു . സുരക്ഷാ ,ഗതാഗത കൃമികരണങ്ങളും ഏറ്റവും മികവുറ്റതായിരുന്നു . പ്രൗഢ ഗംഭീരമായ ചടങ്ങുകളോടായാണ് ചാമ്പ്യൻഷിപ്പിന് കൊടിയിറങ്ങുന്നതു . അടുത്ത ലോക അത്ലറ്റിക് ചാമ്പ്യൻഷിപ്പ് അമേരിക്കയിലെ യൂജിനിൽ നടക്കും .