FORENSIC FIRST LOOK MOVIE POSTER STARRING TOVINO THOMAS
ടോവിനോ ഇനി സാമുവൽ ജോൺ കാട്ടൂക്കാരൻ
ഓരോ ടോവിനോ തോമസ് ചിത്രവും പ്രേക്ഷകർ അത്രമാത്രം ആകാംക്ഷയോടെയാണ് കാത്തിരിക്കുന്നത് . ടോവിനോയുടെ ഇനി വരാനിരിക്കുന്ന ചിത്രം ഫോറന്സിക്കാണ് . ഫോറന്സിക്കിന്റെ ഫസ്റ്റ് ലുക്ക് പോസ്റ്റർ പുറത്തിറങ്ങി . പേര് സൂചിപ്പിക്കുന്ന പോലെ തന്നെ ടൊവിനോ ഫോറന്സിക് ഉദ്യോഗസ്ഥന്റെ വേഷത്തിലാണ് എത്തുന്നത് . മമ്ത മോഹൻദാസ് ആണ് നായികാ വേഷത്തിൽ എത്തുക . നവാഗതരായ അഖില് പോള്, അനസ് ഖാന് എന്നിവര് ഒരുക്കുന്ന ചിത്രമാണ് ഫോറന്സിക്ക് . സാമുവല് ജോണ് കാട്ടൂക്കാരന് എന്നാണ് ചിത്രത്തില് ടൊവിനോയുടെ കഥാപാത്രത്തിന്റെ പേര്.അഖില് പോളും, അനസ് ഖാനും ചേര്ന്നാണ് ചിത്രത്തിന് തിരക്കഥ ഒരുക്കിയിരിക്കുന്നതും.
നിരവധി കുട്ടികളും ചിത്രത്തിന്െ ഭാഗമാകും .കാസ്റ്റിംഗ് കാളിലൂടെ തിരഞ്ഞെടുക്കപ്പെട്ട പതിനേഴ് കുട്ടികളായിരിക്കും ചിത്രത്തിൽ എത്തുക . നെവിസ് സോവ്യര്, സിജു മാത്യു എന്നിവരുടെ ജുവിസ് പ്രൊഡക്ഷന്സും രാജു മല്യത്തിന്റെ രാഗം മൂവീസും ചേര്ന്നാണ് ചിത്രത്തിന്റെ നിര്മ്മാണം. അഖില് ജോര്ജാണ് ചിത്രത്തിന്റെ ഛായാഗ്രഹണം നിര്വഹിക്കുന്നത്.
ജെയ്ക്സ് ബിജോയ് ചിത്രത്തിന്റെ സംഗീത സംവിധാനം നിര്വഹിക്കുന്നു.ദി സയൻസ് ഓഫ് എ ക്രൈം എന്ന ടാഗ് ലൈനാണു ചിത്രത്തിന് കൊടുത്തിരിക്കുന്നത് . ടോവിനോയും ചിത്രത്തിന്റെ ഫസ്റ്റ് ലുക്ക് പോസ്റ്റർ ഷെയർ ചെയ്തിരുന്നു . മമ്ത മോഹൻ ദാസിന്റെ പിറന്നാൾ ആഘോഷങ്ങളും ഫോറന്സിക്കിന്റെ സെറ്റിൽ നടന്നിരുന്നു .